Zohar Chadash Balak Paragraph 33

Pointed Text (The Mantua Edition 1818)

33.1 אֲמָרוּ חַבְרַיָיא לְרַבִּי אֶלְעָזָר, בַּמֶּה יָדַעְתְּ.

33.2 אֲמַר לוֹן, סִימָנָא יְהַב לִי אַבָּא וַאֲנָא אִשְׁתְּמוֹדַעְנָא בֵּיהּ.

33.3 אָמַר לֵיהּ, תֵּינַח חִיוְיָא, דְּאִשְׁתְּמוֹדַעְתְּ בֵּיהּ.

33.4 הַהוּא דְּאִתְנַחֵם וְתָב מֵחוֹבֵיהּ, בַּמֶּה יְדַעְתְּ.

33.5 אֲמַר לוֹן, כַּד הֲוָה אָזֵיל הַהוּא חִיוְיָא, קַשְׂקַשׂוֹי הֲווֹ סָלְקִין, וּזְנָבֵיהּ זָקֵיף, וְאִיהוּ דְּאָזַל בִּבְהִילוּ.

33.6 רוּחָא אַחֲרָא הֲוָה אָזֵיל לְקִבְלֵיהּ, וַהֲוָה קָארֵי קַמֵּיהּ, תּוּב מֵאוֹרְחָךְ, דְּהָא תָּב מֵחוֹבֵיהּ וְאִתְנַחֵם הַהוּא בַּר נָשׁ.

33.7 וְהַהוּא חִיוְיָא בִּישָׁא לָא הֲוָה אָצֵית, עַד דְּיִתְּנוּן לֵיהּ כּוֹפֶר בְּאַתְרֵיהּ דְּהַהוּא בַּר נָשׁ דְּאִתְחַיָּיב קְטִילָא וְתָב מֵאוֹרְחֵיהּ וְאִתְנַחֵם.

33.8 דְּכָךְ אוֹרְחוֹי דְּחֵיוָא עֵילָא וְתַתָּא, כֵּיוָן דְּאִתְיְהֵיב לֵיהּ רְשׁוּ, לָא תָּב, עַד דְּאַשְׁלֵים הַהוּא דִינָא בִּישָׁא דְּאִתְיְהֵיב לֵיהּ רְשׁוּ לְמֶעְבַּד, אוֹ דְּיִתְּנוּן לֵיהּ בְּאַתְרֵיהּ חַיָּיבָא אָחֳרָא בְּכוֹפְרָא, דְּהָא בְּרֵיקַנְיָיא לָא יִפּוֹק, כֵּיוָן דְּאִתְיְהֵיב לֵיהּ רְשׁוּ.